Kelgusi OTga havola Apple TV pristavkalari uchun mo'ljallangan tvOS 17.4 kodida topilgan va u homeOS deb ataladi. Bu nom Apple kompaniyasining 2021 yilgi ish o'rinlari haqidagi e'lonlarida allaqachon tilga olingan, biroq ommaviy axborot vositalarida e'lon qilinganidan keyin olib tashlangan.
Bloomberg jurnalisti Mark Gurmanning so‘zlariga ko‘ra, Apple kompaniyasi Echo Show va Google Nest Hub kabi qurilmalar bilan raqobatlasha oladigan aqlli displey ustida ish olib borishi ehtimoli bor. Yangi homeOS operatsion tizimi tomonidan quvvatlangan ushbu gadjet HomePod va iPad’ning asosiy funksiyalarini, jumladan o‘rnatilgan audio va katta displeyni birlashtiradi.
Gurman shuningdek, 2018-yilda Apple aqlli uy qurilmalari uchun alohida tizimni ishlab chiqishni boshlaganini, biroq HomePod aqlli dinamiki keyinchalik tvOS operatsion tizimi bilan chiqarilganini taʼkidladi. Mutaxassisning ta'kidlashicha, ekranli HomePod aqlli dinamiki bo'lgan smart-displey 2024 yildayoq kun yorug'ligini ko'rishi mumkin.
Gurman avvalroq iPad Air, iPad Pro va MacBook Air’ning yangi versiyalari mart oyi oxirida taqdim etilishini ma’lum qilgan edi. Unga ko‘ra, iPad Pro OLED displeyga ega bo‘ladi, MacBook Air esa yangi M3 protsessori bilan jihozlanadi.
