Kamida bitta yangi avlod Apple Watch modeli polimer bilan qoplangan misdan yasalgan yupqaroq anakartdan foydalanadi. Bu haqda Tayvanning DigiTimes tahliliy agentligiga tayanib, MacRumors nashri xabar berdi.
Yangi material, masalan, epoksi qatroni bilan qoplangan nozik mis folga. Uning ishlatilishi bo'lajak Apple Watchning anakartiga ko'p foyda keltiradi. Xususan, u yanada bardoshli va namlikka chidamli bo'ladi. Lekin eng muhimi, MacRumors yozganidek, anakart yupqaroq bo'ladi, bu boshqa komponentlar va yangi sensorlar uchun qo'shimcha ichki joy beradi.
“Apple Watch’da bo'shatish mumkin bo'lgan har qanday qo'shimcha joy juda qimmatlidir, chunki Apple qurilmaga sog'liq uchun xususiyatlarni qo'shishda davom etmoqda. Mish-mishlarga ko'ra, shu yil oxirida chiqarilishi kerak bo'lgan keyingi Apple Watch modellari qon bosimini nazorat qilish xususiyatiga ega. Apple shuningdek, noinvaziv glyukoza o'lchagich texnologiyasi ustida ishlamoqda”, deb yozadi MacRumors.
Ilgari Ming-Chi Kuoning aytishicha, Apple iPhone 17 Pro modelida polimer bilan qoplangan misdan ham foydalanishi mumkin. Yangi material kelgusi bir necha yil ichida Apple qurilmalarini ishlab chiqarishda keng ommalashishi mumkin.
